اعلامېې

د لوی او بښونکی خدای په نامه په ختیځ زون کې د افغانستان د مدنی ټولنې او بشری حقونو د موسسې د همغږۍ مرکز اعلامیه  په کنړ ولایت کې د ناټو ځواکونو د بمباردمان په پایله کې د بې ګناه ملکی وګړو وژل کیدو په اړه د ۱۳۸۹ لمریز کال د کب دریمه- د ۲۰۱۱ زیږدیز کال د فبرورۍ ۲۳ ننګرهار ـ افغانستان د روان کال پدی ورستیوورځوکی، زموږ د هیواد زوریدلی ولس یوځل بیا، د کنړاوننګرهارپه ولایتونو کې د لسګونو تنو بیګناه وګړو د وژل کیدو شاهد وو. ددې غمجنو پیښو ډیری قربانیان ماشومان او ښځې وې، چې له جګړې سره ېې هیڅ اړیکه نه درلوده. دا لومړی ځل ندی چې نړیوال ایتلافی ځواکونه اوددولت مخالفین، په داشان غیر انسانی کړنو لاس پورې کوی او په دې کار سره اسلامی، ملی او نړیوال قوانین تر پښولاندې کوی. دافغانستان د مدنی تولنې او بشری حقونو موسسې، د اعلامیو په خپرولو سره ددا شان کړنو پایلې په ځلونو غندلی او د افغانستان او د ترهګرۍ په وړاندې په مبارزه کې د ښکیلو هیوادونو له دولتونو غوښتی، ترڅو ددغو جنایتونو عاملین د قانون منګلو ته وسپاری؛ خو په خواشینۍ سره چې دا شان کړنې اوس هم تکراریږی. په ختیځ زون کی د افغانستان دمدنی ټولنې او بشری حقونو موسسه ، چې د هیواد په ختیځ زون کې د مدنی او بشری ټولنو د همغږۍ مسولیت په غاړه لری، ددې خونړۍ پیښې څرنګوالې له نیږدې څخه څارلی او سربیره پر دې چې دا کار په کلکه غندی د لاندو ټکو یادونه هم کوی: •  موږ په دې اړه خپله ژوره همدردی او خواشینی څرګندوو، او له الله تعالی (ج) څخه ددې پیښ و پات ی کسانو ته د جمیل صبر غوښته کوو؛ •  موږ د نړیوالې ترهګرۍ په وړاندې د مبارزې له ایتلافی ځواکونو او دولت څخه غواړو، ترڅو هر څومره…

د لوی او بښونکی خدای په نامه د افغانستان د مدنی ټولنې او بشری حقونو موسسې پیغام د ۱۳۸۹ کال د سلواغې۹ کابل ـ افغانستان په ډیرې خواشینۍ سره مو خبر ترلاسه کړ، چې د ۱۳۸۹ کال د سلواغې په ۸ د کابل د وزیرمحمد اکبرخان په سیمه کې په رامنځته شوې پیښه کې، زموږ یوشمیر بیګناه هیوادوال شهیدان شول. په دې ډله کې دافغانستان د بشری حقونو په خپلواک کمیسیون کې محترمه ارزښتمنه همکاره میرمن حمیده برمکی، هم د خپلې کورنۍ له پنځو غړو سره په شهادت ورسیده، انالله و انا الیه راجعون . دافغانستان د مدنی ټولنې او بشری حقونو موسسه دا وحشیانه عمل په کلکه غندی او هغه د ټولو انسانی ارزښتونو سره په ټکر کې بولی. د اسلام مقدس دین، نړیوالو قوانینو، دملی قوانینو او انسانی ارزښتونو له مخې د بیګناه انسان وژنه یو نه بښونکی او د بشر ضد عمل بلل کیږی. داشان عملونه، د سولې پالنې لړۍ او د یوبل ځغملو احساس ته زیان سوی او د افغانستان د ټولنې په عمومی روانی حالت بده اغیزه کوی. د افغانستان د مدنی ټولنې او بشری حقونو موسسه په داسې حال کې چې د دې غمجنې پیښې د شهیدانو او ټپیانو کورنیو ته تسلیت وایی، د بشری حقونو خپلواک کمیسیون همکارانو ته خپله ژوره همدردی څرګنده وی. د میرمن حمیدې برمکې ناڅاپی مړینه، دبشری حقونو کورنې،مدنی ټولنو او د بشری حقونو او ارزښتونو فعالانو ته ستره ضایعه شمیرل کیږی. سربیره پردې چې له الله تعالی (ج) څخه د دې پیښې شهیدانو لپاره د جنت غوښتنه او ټپیانو ته د عاجلې روغتیا غوښتنه کوو، ددې غمجنې پیښې، د قربانیانو کورنیو ته د جمیل صبر غوښتنه لرو. د افغانستان د مدنی ټولنې او بشری حقونو موسسه  

د لوی او بښونکی خدای په نامه د افغانستان په اړه د لیزبون د پریکړه لیک په تړاو، د افغانستان د مدنی ټولنې او بشری حقونو شبکې اعلامیه د ۱۳۸۹ کال /۰۹/۰۹، سمون لری د۲۰۱۰ کال /۳۰/۱۱ کابل ـ افغانستان د شمالی اتلانتیک تړون یا (ناټو مشرانو)، له ناټو سره د یوشمیر همکارو دولتونو او د نړیوالو ټولنو یوشمیر مشرانو او د ملګرو ملتونو سازمان سرمنشی د ۲۰۱۰ کال د نوامبر په ۱۹ د جمعې په ورځ د لیزبون په غونډه کې ګډون وکړ، او د شنبې په ورځ چې د نوامبر ۲۰ نیټه وه د افغانستان پورې مربوطو موضوع ګانو په اړه ېې خبرې وکړې. د لیزبون په غونډه کې، د ناټو او افغانستان دولت ترمنځ یو پریکړه لیک لاسلیک شو، چې د هغې له مخې به د ۲۰۱۱ کال له پیله، بهرنیوځواکونو څخه افغان ځواکونو ته د امنیتی مسولیت سپارل پیل او تر ۲۰۱۴ میلادی کاله به د ټولو سیمو امنیتی مسولیت افغان ځواکونه په واک کې ولری. د افغانستان د مدنی ټولنې او بشری حقونو شبکې له نظره، د لیزبون غونډه د ترهګرۍ په وړاندې په مبارزه کې یو مهم ګام بللی کیږی. دې غونډې د افغانستان د قضیې په اړه د نړیوالې ټولنې او امریکامتحده ایالاتونو د لیدلورو د بدلون پیغام له ځانه سره لاره. بې له شکه چې د افغانستان خلک او مدنی ټولنه غواړی، چې د افغانستان پوځی ځواک، باید دخپل هیواد دخپلواکې د دفاع توان ترلاسه کړی او دخپل هیواد ا وګړو د امنیت مسولیت په غاړه واخلی؛ خو په دې اړه هرډول پریکړه باید د کره او دقیقو محاسبو وروسته د عینی واقعیتونو له مخې وشی. افغان ځواکونو ته د امنیتی مسولیت د سپالو د لارو چارو د برابرولو په اړه په « پیړه » او « له روڼتیا پرته » اوهمداراز له جزیاتو خپریدو مخکې پریکړو دافغانستان دمدنی ټولنې…

د لوی او بښونکی خدای په نامه د عدالت او مصالحې په اړه د یو ورځینی کنفرانس پیغام د ۱۳۸۹ د لړم ۱۹ سمون لری د ۲۰۱۰ د نوامبر۱۰ کابل ـ افغانستان په افغانستان کې د څو لسیزو جګړو او هم په دې وروستیو کلونو کې د وحشت او ناامنیو پراخیدو، موږ د سولې اړتیا او د هغې پر اهمیت پوه کړی یو. جګړه نه یوازې دا چې د ټولنې مادی شتمنی ویجاړوی، بلکې له ټول مخکې د انسان روان او ټولنیزې اړیکې او نظم له منځه وړی. اوسمهال کله چې له سولې خبرې کوو، له هغې مخکې باید د انسان د روان او ټولنیز نظم او اړیکو بیا رغونې ته پام وګړو؛ ځکه له دې ښکارندې پرته مادی بیا رغونه زیانمونکې او آن ویلې شوچې ناممکنه ده. د سولې کلمه د امنیت په لرلو سربیره د عدالت اصل هم له ځانه سره لری. له امنیت، سولې او عدالت څخه ګټه اخیستنه د انسان حق دی. چې یو له بل سره ارګانیکه اړیکه لری او په هیڅ ډول نه باید یو د بل قربانی شی. دادی اوس موږ په خپل هیواد کې د جګړې ، تاوتریخوالی او ناامنې سره مخ یو. څه ډول کولی شو دا ویجاړونکې جګړه په خپل هیواد کې پای ته ورسوه؟ موږ د مدنی ټولنو او بشری حقونو فعالین معتقد یو، چې د سولې طرح او د هغې کړندلارې هغه مهال کیدای شی بریالۍ وی، چې په هغې کې عدالت، انسانی کرامت او حقوق خوندی وی. موږ په هیڅ ډول له عدالت پرته امنیت د انسان د شان وړ نه ګڼو، او باور لرو چې د انسان دحقونو او آزادیو د نشتوالی په صورت کې امنیت هم نشی ټینګیدای. سوله یوه ملی لړۍ ده، چې دا لړۍ باید د خاصو سیاسی کړیو او کسانو د لیدلورو قربانی نشی. سوله هغه مهال کولی شی خپل…

د لوی او بښونکی خدای په نامه د ولسی جرګې د ټاکنو په اړه د مدنی ټولنې او بشری حقونو شبکې اعلامیه کابل ـ افغانستان وږی ۱۳۸۹ د افغانستان وګړی د ولسی جرګې د رایو صندقونو په لور په ورتګ سره، یوځل بیا د یو تاریخی او ستر آزمایښت سره مخ دی. ټاکنې په هیواد کې د مردم سالارۍ یو له مهمو ښکارندو څخه شمیرل کیږی. پارلمانی ټاکنې په هر نظام کې د خلکو د ارادې ښکارندوی دی، چې د هغې نظام مشروعیت څرګندوی. نو اوسنۍ ټاکنې کولی شی د حاکم نظام په سیاسی، ټولنیز او فرهنګی ژوندانه کې کارنده رول ولوبوی. د مدنی ټولنې او بشری حقونو شبکه، په داسې حال کې چې له پارلمانی ټاکنو ستاینه کوی، د هیواد له شریفو وګړو څخه غواړی ترڅو په خپل فعال سیاسی مشارکت، د دموکراسۍ په پلی کیدو او د نظام له مشروعیت سره یوځای شی او د پارلمان لپاره ترټولو غوره کسان وټاکی. د ټاکنو په ښه توګه ترسره کیدو او د دولتی او غیر دولتی ادارو او ټولنو ترمنځ د لا هغږۍ راپیدا کیدو په موخه د افغانستان د مدنی ټولنې او بشری حقونو شبکه: - په افغانستان کې له ملی او نړیوالو امنیتی ځواکونو څخه، غواړی ترڅو د ټاکنو د امنیت په ساتلو کې، له هیڅ ډول هڅو څخه دریغ ونکړی او د هیواد د وګړو امنیت چې د نظام په مشروعیت کې ونډه اخلی، ټینګ کړی. - په هیواد کې له ټولو مدنی ټولنو څخه په احترامانه توګه غوښتنه کوو ترڅو د ټاکنو په ورځ په فعال ګډون سره، په دې تاریخی ورځ کې خلکو سره مرسته وکړی او د ټاکنو د پوهاوی او اهمیت په اړه هغوې سره همکاری وکړی. - په هیواد کې له ټولو ښکیلو خواو څخه په احترامانه توګه غواړی، ترڅو په دې تاریخی ورځ کې، له هرډول شخړې څخه چې…

د لوی او بښونکی خدای په نامه اطلاعاتو ته د لاس رسی ،د بشری حقونو د فرهنګ ترویج او د دموکراسۍ په پلی کیدو کې د هغې د ونډې په اړه د دوهم څیړنیز سمپوزیم پیغام اطلاعاتو ته لاس رس ی په اوسنیو شرایطو کې د ټولنې ترټولو مهمه اړتیا بلل کیږی. اطلاعاتو ته لاس رسی په ټولنه کې دبشری حقونو او دموکراسۍ د پلی کیدو زمینه برابره وی. اطلاعاتو ته لاس رسی، د قانون د حاکمیت او د ښې حکومدارۍ په برخه کې مناسبه مرسته کوی. د بیلابیلالو هیوادونو تجربو ښولې، چې اطلاعاتو ته لاس رسی، د اداری فساد د فعالیتونه راکوی او د اداری فساد په وړاندې د مبارزې په برخه کې خلک سره یولاس کوی.همداراز اطلاعاتو ته لاس رسی د هیواد وګړی د ټولنیزو ارزښتونو پلی کولو ته رابولی. او همداراز اطلاعاتو ته لاس رسی، دولت اړباسی چې د زیرمو، او د یو نظام بشری شرچینو په اړه خپلو وګړو ته معلومات ورکړی. د بیان د آزادې او اطلاعاتو ته لاس رسی په ټولنه کې له اطلاعاتو پرته ترسره کیدای نشی، له همدې امله ده چې د بیان او اطلاعاتو ته د لاس رسی آزادی د دوه مهمو اړتیاو په توګه د ملی او نړیوالو قانونینو له هغې ډلې څخه د افغانستان په اساسی قانون کې هم مطرح شوی دی. هغه تحلیلونه چې نن په دې سمپوزیم کې وړاندې شول، د افغانستان په ټولنه کې ، اطلاعاتو ته د لاس رسی د اړینو او ګټورو میکانیسمونو د جوړو ښکارنوی دی. او هغه مقالې چې په دې سمپوزیم کې د ولسی جرګې د محترمو غړو له خوا ولوستل شوې، دا روښانه کوی چې د هیواد یوشمیر قانون جوړونکی، له مدنی ټولنې سره په همغږۍ کې، دبشری حقونو د فرهنګ په عامولو کې مرسته کوی. ددې سمپوزیم ګډونوالو دهیواد د ملی شورا له غړو سره په بحثونو کې…

د لوی او بښونکی خدای په نامه دبهسود او دایمرداد ولسوالیو د پیښو په اړه د افغانستان د مدنی ټولنې او بشری حقونو شبکې اعلامیه د ۱۳۸۹ کال، غویی ۳۰ – ۲۰۱۰ کال، مې ۲۰ په زیاتې خواشینۍ سره چې د میدان – وردکو ولایت د بهسود او دایمرداد په ولسوالیو کې یوځل بیا د کوچیانو او سیمې اوسیدونکو ترمنځ وسله والې نښتې او تاوتریخوالی رامنځته شوی. د راپوټونو له مخې په دغو نښتوکې څو تنه وژل شوی او یو شمیر کورونو ته اوور ورته شوی او د سیمې په زرګونو اوسیدونکی د خپلو کورونو پریښودو ته اړشوی دی. دا نوې پیښه نده بلکې په تیرو کلونو کې هم د هوا په ګرمیدو سره، کوچیان سیمې ته راتلل او د سیمې ځایی خلکو سره ېې جګړه پیلیده. دوه کاله وړاندې، د کوچیانو او سیمې اوسیدونکو ترمنځ دوه میاشتې نښته روانه وه چې د هغې په لړکې د دواړو خواو په لس ګونو تنه ووژل شول او په زرګونو نور د خپلو کورونو پریښودو ته اړ شول. دا په داسې حال کې ده چې دولت په لنډ مهال پروګرامونو سره ندې توانیدلې دغو تاوتریخوالیو لپاره ګټوره تګلاره جوړه کړی دا ددې لامل شوې چې د افغانستان وګړی ددغې ستونز په اوارۍ کې دافغانستان په سیاسی ارادۍ شک وکړی. پرد ولت د خلکو اعتماد کمیدل دنورو ټولنیزو ستونزو لامل کیږی او ددغه کړکیچ پراختیا لامل کیږی. اخوا د افغانستان وګړو ترمنځ ددغو ستونزو راپیداکیدل کیدای شی د ملی منازعاتو دله منځه وړلو سمو پروګرامونو نشتوالی له امله وی؛ خو کله چې له وسلو څخه کار اخیستل کیږی، دا قضیه نور اړخونه ځانته نیسی او ستونزمنه کیږی. په داسې حال کې چې د ډایاک پروګرام د افغانستان په ټولو برخو کې پلی شوی او دخلکو وسلې راټولې شوی، وسله وال بریدونه او نښتې، د دولت او قانون په وړاندې تمرد او…

د لوی او بښونکی خدای په نامه د کابل کنفرانس په اړه د مدنی ټولنې او بشری حقونو شبکې پیغام د۱۳۸۹، وری- د۲۰۱۰میلادی مارچ دافغانستان د مدنی ټولنې او بشری حقونو شبکه، له خپلو غړو ټولنو سره په همغږۍ کې چې د دموکراسۍ پر بنسټ د مدنی ټولنې په عامولو او بشری حقونو فرهنګ په رواجولو په برخه کې کارکوی، د مدنی ټولنې او بشری حقونو ټولنو لیدلوری او هیلی جمعبندی کړی. دغه پیغام د مدنی ټولنو له غړو سره د بحثونو، خبرو اترو او په کابل او و لایتونو کې د څیړنیزو پروګرامونو جوړولو په پایله کې لاسته راغلی. دافغانستان د مدنی ټولنې او بشری حقونو شبکه، د بشری حقونو ټولنو لپاره د چتر ټولنې په توګه، خپله دنده بولی ترڅو دغه لیدلوری ملی ا و نړیوالو سیاست پلی کونکو ادارو ته د سولې او امنیت راتګ په اړه وړ ا ندې کړی. پرهغو ټکو چې دافغانستان مدنی ټولنه پرهغې ټینګار کوی په لاندې ډول جمعبندی شوی: •  دافغانستان په اړه د ملګرو ملتونو سازمان او سیمه ایزو او نړیوالو سوله پالو ستراتیژیو ترمنځ د کارنده خبرو اترو پیاوړی کول؛ •  د دولت او مدنی ټولنې په ځانګړې توګه د ملی امنیت شورا، چې د امنیت پالنې او د جګړودمخنیوی په برخه کې دافغانستان د ملی امنیت بهرنی او کورنی سیاست تدوینونکې ده ترمنځ د لازیاتې او دوامدارې همغږۍ ټینګیدو په موخه دکارنده ډیالوګ جوړول، •  عدالت د سولې پالنې ښه لاره ده ، او انتقالی عدالت باید د سیاسی معاملاتو قربانی نشی؛ •  د سولې پالنې په میکانیسم کې د روڼتیا رامنځته کول؛ •  دمنارعې د زیان پیژندنې په اړه د تخصصی څیړنو ترسره کول او په افغانستان کې د سولې پالنې د لارو پیدا کول؛ •  په افغانستان کې د ملی اجماع او د سولې پالنې پروګرام مشروعیت پربنسټ، د سولې پالنې په برخه کې…

د لوی او بښونکی خدای په نامه دمارچ اتمې د ښځو د یوالی نړیوالې ورځې په مناسب دافغان ښځو شبکې او دافغانستان د مدنی ټولنې او بشری حقونو شبکې ګډه اعلامیه کابل، ۱۳۸۸کال، کب- د ۲۰۱۰ کال، مارچ ------------------------------------------------------------------ دافغانستان دمدنی ټولنې د مارچ په اتمه چې د ښځو د یوالی نړیواله ورځ ده، دافغانستان له دولت او نړیوالې ټولنې څخه غواړی تر څو د سولې راتک او امنیت ټینګولو ته دې جدی پاملرنه وکړی او له اوسنیو منازعاتو څخه دې د وتو لاره پیدا کړی. ------------------------------------------------------------------ د مارچ اتمه چې د نړۍ د ښځو د یوالی نړیواله ورځ ده، په نړۍ کې ټولو ښځو لپاره ترټولو با ارزښته ورځ ده. دغه ورځ په ټولنه کې د هغوۍ ونډې او په ټولنیز، سیاسی،اقتصادی او فرهنګی ژوند کې دهغوۍ مشارکتی یوالی ښکارندوی بلل کیږی. د افغانستان میرمنې د افغانی او نړیوالې ټولنې د یوې برخې په توګه دغه با ارزښته ورځ لمانځی او ددغې ورځې په مناسبت خپل لیدلوری د مدنی ټولنو او رسنیو له لارې دولت او نړیوالې ټولنې ته رسولی. روان کال د افغانستان ښځو لپاره ستونزمن کال وو. په دغه کال کې د هیواد ښځې د ټولنیز، اقتصادی،فرهنګی او سیاسی امنیت څخه ډیرې زوریدلی. دښځو انسانی کرامت ته اهانت،تحقیر، پر افغان ښځو جنسی تیری، د ښځو سیاسی ونډې ته کم ارزښت ورکول، په فرهنګی- اقتصادی برخو کې د جنسیتی انډول نشتوالی او له مقدسو ارزښتونو څخه د ښځو په اړه ناوړه تعبیر، په هیواد کې د ښخو له مهمو ټولنیزو ستونزو څخه شمیرل کیږی. په دې وروستیو کې د ملی او نړیوالو ځواکونو له خوا مهم پوځی پروګرامونه پیل شوی چې دغه پوځی فعالیتونه د افغان بیګنا وګړو د مرګ ژوبلې لامل شوی. طالبانو او نورو طرهګرو ډلو هم له بیګناه افغان وګړو او د هغوې د اوسیدو له ځایونو څخه دملی او نړیوالو ځواکونو په…